في طالب في الجامعه كان عنده امتحان في ماده من المواد اللي متخصص فيها وهي علم الطيور، ويوم اما قرب اختبار الماده آخر السنه، الطالب راجع وراجع لحد اماطلعت عينيه، ودخل الامتحان وهو واثق مليووون في الميه انه جاهز وهينجح في الامتحان، والمفاجأه ان المدرس قابلهم بسؤال واحد بس !!
والسؤال عباره عن صور لرجول بعض الطيور، والمطلوب منهم معرفه اسماء الطيور من شكل رجليها!!؟؟
وتنح صاحبنا وماعرفش يحل السؤال، قام من الكرسي وراح للمدرس وسلم ورقته فااضيه وقال للمدرس : اتفووو عليك وعلى مادتك المتخلفة وانت ازفت مدرس شفته في حياتي !!!
رد عليه الاستاذ بكل برووود : اعتبر نفسك ساقط في الماده !
ويلاحظ الاستاذ ان الطالب ماكتبش اسمه في ورقة الاجابة!!!!!
قام و قال للطالب والشرار بينط من عينيه :
فين اسمك يا ولد ؟؟؟ !!
قام الطالب ورفع
بنطلونه وطلع رجليه وقال للأستاذ : لاموأخزة يعني لو مافيهاش اساءة ادب اعرف اسمي من شكل رجلية